《明日戰記》- 喊濕兩包紙巾地俾碌蕉你含

 

吳炫輝新手上路的《明日戰記》（Warriors of Future）遭大陸觀眾劣評係有跡可尋：之前大陸同類燒近億的科幻作如「天機」還是流浪地球，一係被港人恥笑唔係就直接無視，国人還相當記仇，難得機會仲唔有仇報仇？

 

電影本來就係靠畫面，所以場景繪畫夠細緻、怪物夠核突、機械人打得兇狼等令眼睛大飽眼福就可以。反正有些死忠會辯話你畫得好睇過佢先好彈，正如小弟唔識畫CG，故都識趣唔評這部。大家都係評張家輝被浪費 - 戲裡唯一大反派，卻只係呆坐輪椅講「天幕就係我，我就係天幕」。關鍵在沒答出為何搞到謀害屬下也在所不措，其實只要補幕那棵潘多拉搞到你家破人亡到腳跛，都夠答你為何死抱天幕到底。

 

你仲話唔好計較劇本那麼多買左飛再講，但只想問句：若導演唔係叫吳而係基斯杜化路蘭，你又點睇？香港人原本係俾路蘭等養大，劇本和畫面唔係魚與熊掌而係我全部要。只係今次有人喊濕兩包紙巾，叫香港人該支持香港電影。於是大家踴躍俾票錢，出場後會窒刑天打到你沒明天等叫人多麼尷尬，卻又叫不住下一波人入場。

 

其實睇見張家輝，總期待佢會突然由輪椅彈返起唱：「我俾碌蕉你含~」當然最後都沒有 - 唔止係張老早冇咁做，而且係只要哂出香港人三個字，就話之劇本都係如此公式。「你會否幫我含？」就知你實含，所以我何需另外鋪張？當然你認我係含，但我含得夠爽呀，So？咁我都唯有認你地High夠就好既。