《慕伶，一鳴，偉明》- 無趣的扭紋針

黃梓的首作行簡單路線，片名也就拿三角名來起《慕伶，一鳴，偉明》(All about ING) 。

 

表面故事架構就三人分三部，事實係偉明 (高翰文) 才是主角，時間軸係他發現患肝癌開始至其逝作結，這軸也像一支扭紋針：慕伶 (彭杏英) 和一嗚 (薛立賢) 也是圍繞這針的坑紋由頭扭到尾。

 

電影行現實主義，今次係香港演員到廣州扮廣州人，其實就係講返廣東話難度不大，對香港觀眾就係毫不新鮮：畢竟廣州唔係很遙遠，早些年更係北上港人玩厭深圳再下一步之地，市面唔叫陌生。偉明最後和家人往迷霧的海島故鄉，老大回對著年老沒氣好說的親人，思鄉情只好太簡單；慕伶一味憂心，對著兒子尤其丈夫，只得賣慘叫人不耐煩。

 

其實主幹應放在一嗚：一嗚只對朋輩、女同學、老師、甚至相遇著的保安，已可發生多個支節及引伸多個疑問，對感情還是前程，係三人中最能豐富故事。遠距去看，黃梓似想學楊德昌《一一》，只係慕伶和偉明發揮得少，觀眾也就參透不多，只係看著偉明病就病死就死。黃梓或係想看透人生，可惜都係看唔透。