《台北物語2 : 獲利者》 - 慶幸爛片只爛在銀幕裡

傳奇爛片《台北物語》在二零一七年熱鬧一陣子就消失得無影無縱，想翻看也難。還以為人好歹有點羞恥心，怎知給余峰銘黃駿翔殺出一套續集《獲利者》 (Story in Taipei 2: For Money)。機會來了叫飛雲怎錯過，在台南某間戲院興致勃勃要買票看，賣票小妹有點不敢相信自己耳朵，入場時戲院裡除了我再沒其他人，大喊大屌做乜鳩都冇人理，夠爽也夠納悶：「說好的場場爆滿呢？」

無人睇或是大家都厭倦：就係看了一也就費時看二，或係看了余黃版就想到上集黃英雄玩甚麼。甚至乎一二都唔駛睇，睇返「爛片大國民」《The room》都知係咩玩法：「你識條鐵」的拍攝技巧，散亂無軸的故事，彈入彈出的人物，無故遠拍市景或哈哈大笑，自以為很好笑的笑話充斥時間 – 三藩市有的台北都有。而且台北可比你更加瘋狂 – 駕綿羊仔到坐直升機過來的聚首一堂，在咖啡店裡飲白蘭地，所謂性感護士不用穿泳裝也看到肥腫不堪……

你想明白台北物語說甚麼卻又唔難：由片名到開頭，即使如何無厘頭也叫你明白就是一班人想發達。即使故事到了中段，你真係睇唔明搞乜撚，就直頭畫公仔畫出腸 – 將回收藥魚目混珠或穿醫院櫃筒把原裝藥流出市面的流程大大字寫出來，費時你指住海報那句「一故事讓你明白獲利」擺明違反商品說明條例。

若說《The room》實是Tommy Wiseau嘲諷世間愛情都係咁爛，《台北物語2》主旨顯然就道台北只係認錢的城市 – 電影裡每個角色沒啥個叫你記得他的名字，除了藥店老闆阿文，因為後部其妻發瘋大罵阿文搞到亂七八糟。畢竟沒需要記起你是誰，只要記著你有錢沒錢怎賺錢還是搞到他蝕錢。題外話阿文真似國民黨二世祖連勝文，再想詐騙醫保藥物來獲利，現實唔係就有個靠空喊發大財的騙到市長，甚至連總統都差點騙到？而整個詐騙圈的快撈波士是個有精神病的老婦。

余峰銘黃駿翔可能真是個預言家：誰說荒謬事真不會發生？像戲裡的精神病老婦現實真有五佰萬人，一不留神還真會讓他們集結做大佬。今天我們還該慶幸這套爛片只局限在銀幕裡，若像貞子般衝出銀幕，我想大家都嚇到連恥笑都冇力。