你實會問：為何林嶺東、羅守耀、甚至孫健君拍出爛東西你總會大聲恥笑，唯獨陳果你總要為他辯護？Come on，人總會偏心的，陳果是我偶像嘛，明冇？
只不過，小弟自己的影評道德，還是要實是求是去評論電影。明明一篤屎，自己也吃不下去，我也不會讚佢係香。就算電影公司的人上門放下一萬叫我寫鱔稿，我也推說無能為力。全片已係柒到唔敢睇的地步，只是一來踏偶像我不會做，二來反正大把人爭住做，何需我去跟住做。
其實想幫他辯的是：就算戲柒也柒得很奇怪 - 編劇也是他，戲裡對白特多，幾每分鐘都有人說話。縱使多九唔搭八，但打字都要出手力聽寫王都要浪費口水，既然無心寫那不如安排少說話省返腦力手力？所以成個劇本似係認真寫，卻又寫到自暴自棄。
若爛片也能分類，孫健君的係暴發戶式，羅守耀林嶺東 (《沖天火》) 係痴撚線式 - 因對現實的不理解故戲裡事情都不可理喻，《九龍不敗》 (Invincible
Dragon) 卻係憤世嫉俗式 - 戲裡港澳警察到大反派，行事所為一律戇鳩到爆燈。就主角九龍 (張晉) 相對「正常」返D，很有眾人皆醉我獨醒的意味。九龍名字傳說沒人相信，其實係電影的「真正主旨」：本土才是陳果的擅長，但接了電影後才發現根本沒位讓其加插本土，感覺受騙下就刻意劇情鬆散，兼無厘頭到超越周星馳的對白來發洩。就係你唔信我見過龍，就九條龍現身擲返你過來，問你怕未。
最尾，劉心悠對來看病的九龍說：「你真係好唔正常。」就係陳果確定俾大家聽：「我擺明係拍爛片呀，吹咩！」會坦白對拍自己不想拍的戲之憤怒和無奈，睇怕只有陳果一個。小弟從不會叫罷睇，睇怕今次要破例 - 就係告訴片商，這不是陳果願拍該拍能拍的電影，拜託咪再玩鳩佢了。
沒有留言:
張貼留言