2018年2月14日 星期三

《一家大晒》 - You're tearing me apart,李思捷!


原本《一家大晒》 (Staycation) 由戲名故事海報等都冇樣吸引到我留意唯一注意到的係李思捷 - 佢的上一套作品係九年前的《金國民》。


當年李就係大呻懷才不遇,望有夢能事竟成。差唔多十年過去,有自己的公司,一大班老戲骨撐場,但佢又磨出把甚麼質量的劍來?李自言主題係講溝通,但他就連和銀幕前觀眾去溝通都做唔到:故事係一大班人聚在一塊叫天水圍半島的草地上,口說合家歡,卻又公然彈出句雕你老母,再玩些做乜勁的遊戲直到結尾 - 溝通的目的係彼此的理解,你連拍甚麼都不能令觀眾理解,還講甚麼溝通?

李說電影係行喜劇路線這問題重大笑點幾全靠林敏驄羅家英兩人發揮但兩個昔日笑匠今日卻一個叫人真心想笑的笑料都搞唔到出來而且林羅等吃盡奶力更叫狄龍錢小豪等似時不時心諗:「我係度做乜撚?」,何況主角唔係李思捷嗎?林羅搶過風頭,李就更加唔知係度做乜鳩了:你唔係很有才嗎?那有才?

差唔多十年時間李思捷到底有沒善用起碼策劃出一個似樣的劇本電影就擰晒頭答你 - 極其量只度到場景分鏡沒編好對白任由演員自行爆肚於是就搞出會聽到雕你老母的合家歡。你話李或想走Tommy Wiseau或孫健君之路線但要知道爛之經典煉成只是靠你一刻的自以為是及豁出去的勇氣李或者仍是自以為是但仍要計量十年才去一博沒甚麼比此更浪費人生

當年《金國民》仍道圈子無可救藥不重要,夢想與精神不死才是關鍵Youtube仍可直通羅馬十年過去,靠Youtube上位誰也懂李有錢卻磨出爛貨色仍不以為恥若你欣賞當年的李思捷,今日你該會大罵他令你芳心碎。想通一點,你極其量只損失了數十元票錢和九十八分鐘,李最為背叛的,只是他自己。


2 則留言:

  1. 其实我觉得故事都几好,如果真係做到一级片,都应该係套好片。我估佢係挑战紧一级片底线,都係做紧金国民自己,唔理人D咁……其实开放D,可能都接受到。我觉得佢交代吓点解佢哥哥会咁样,成个故事都容易理解D。可惜,呢个原因只得狄龙大哥喺访问中提到。佢大佬细个发烧,烧坏脑,所以讲嘢都出格D。李思捷佢话希望大家睇完电影之后更爱个家,我同屋企人一齐睇,係有D尴尬位嘅,不过最后,爸爸妈妈同我都揽住一齐,感觉好温馨……呢个可能都係佢最大嘅目的,目的都达到,我谂都算成功~希望可以睇到李思捷导演下套电影。希望真真正正係一级片。

    回覆刪除
    回覆
    1. 很難得有人會在blog留言了,就回一回你吧:
      可能對重視家庭的你來說,劇情真係觸動到你,但始終對我來講,整套戲就只有突兀,或者要怪就怪我係個無情的人

      刪除