版頭

版頭

2018年2月9日 星期五

《地厚天高》 – 戇鳩英雄傳


看到電影時,主角正在牢獄裡。


有人慨嘆梁天琦如此收場,話雖送佢進牢,係港共政權一個愚蠢的決定,更該嘆氣係香港人更加之蠢。

《地厚天高》 (Lost In the Fumes)  (林子穎導) 中後段,二零一六年立會選舉青政造勢大會時,梁上台借《蝙蝠俠》的一句:「黎明前的黑暗係最黑暗。」天琦究竟係咪英雄?他雖唔敢自認,但也要把「時代革命」連繫上英雄起義。這叫人諗到香港如果拍仿荷里活式英雄片會怎樣?外表可以差不多,但故事該是如此:英雄把壞人打到半死之際,突然覺得應該擺好擂台,和壞人規規矩矩再打一場,壞人卻趁機出術把原本勝利在望的英雄打倒,倒在擂臺上的英雄,在流淚自插:「我到底做乜撚?」

電影的起點:係二零一六年魚蛋革命,以及TVB新東補選論壇總結講既「以武制暴」。面對中共或港共,以武制暴會否是出路?若要去問,電影其實漏拍兩大段:魚革爆發後第二晚,旺角街頭再出現小販,食環卻沒再派人掃蕩;論壇上民建聯周浩鼎只敢追擊和理非非的楊岳橋,天琦向周大斥:「你要規管我地示威自由,即管去做!睇下我地香港人點對付你地!」周卻不敢還擊 - 中共港共本來就係無膽匪類,你夠膽暴力,佢就會同你妥協。

故事的轉在二零一六立會換屆選舉時,選管會突然要天琦簽「確認書」、要就港獨表明立場,天琦為了入閘,於是一來簽紙,二來著競選辦人員刪除其面書裡有關港獨的帖子 - 中共港共這群壞人,真係設下擂台,叫你按他們定下的規矩規規矩矩地打一場。而你竟然和應,就中了圈套。

於是往後的 - 天琦被大公記者襲擊、被DQ、梁頌恒代其上陣,當選後卻都被DQ,一切都源自妥協跟從壞人定下的玩法而招至的惡果:你說忍辱負重,為的就是那個議席,於是就被中共看穿:唔係說要以武制暴嗎?我公然出矛招DQ你就已是一種暴力,你竟然還要順從我的規矩玩下去?講到底你們恥笑泛民和理非非,其實天琦沒資格,更沒多個香港人有資格,因就算以武制暴看得出係可行,卻沒人肯相信,就連提出那個之後都唔信。大家都係想要和理非非,想「規規矩矩」地贏,於是就淪被壞人魚肉,慘敗收場。

中共係壞蛋,但也是愚笨:聰明的話就任由天琦得到議席,正如長毛由進入立會到現在,也沒真正動搖到甚麼。把天琦送進監獄,並不能終結他的政治生命 – 正如南非白人政權把曼德拉送入監牢也不能了結到他。若果天琦做左議員,這套電影唔會大收旺場。《地厚天高》今日場場爆滿,只因我們都把天琦當為英雄,而且我們都以為欠左這個英雄。天琦英雄的名份,卻係中共蠢得為其加冕上去。

電影後部,拍天琦避走外地,乃被諷為「若獨裁成為事實,我就去美國哈佛」之時,他說不想再接觸政治,像真係自責規矩同中共對打,實屬戇鳩。

其實沒人有權去怪責他,因為換你去做英雄,你都係會打得咁戇鳩。聽到其講病時,就去暴食、抑鬱時也去暴食,只因食去最開心的階段,就知了:豬,大家都係豬。


沒有留言:

張貼留言