版頭

版頭

2017年9月19日 星期二

《黑白迷宮》 – 王晶你可玩臥底這舊橋玩多幾耐?


有點記憶都記到,《黑白迷宮》 (Colour Of The Game(闞家偉導已唔係王晶第一日搞的,連同之前的《黑白戰場》及《黑白森林》,剛好拼夠黑白三部曲。但睇「迷宮」前,要唔要追返「戰場」或「森林」,還真係無啥所謂。

黑白者,黑為黑社會,白為警察。既然講黑白,那就該係黑白兩家各一半,繼而互相較量。但「迷宮」裡,白還真如棋盤裡排除出外的白子,唯獨黑子在這棋盤裡無故你食我我食你。黑子還有一只其實係白子扮的,即臥底也。

戲中後部有一條橋很是頂癮,高天 (伍允龍) 問大華 (任達華):「你幾時知我係警察?」唔使大華答頭先你自己講左,根本一開始高天出場時大家都諗到。故事起就講黑幫內鬥,大華等人參與其中原想藉此撈一筆金盤洗手,承就係被設局中局,轉合就係大華如何破局和挑出差佬的針。大概想到觀眾都會叫悶打呵欠,於是最後叫大家無厘頭你郁我我郁你亂殺一通,但這也不可抵消前九十分鐘的一大條公式。

《黑白迷宮》其實文不對題,整個故事清晰叫悶,何迷之有?或正因要夾硬呼應返個題目,於是結尾大華哥身陷迷宮裡的圍村,知道自己迷路。但行錯路早已行錯幾十年,依家先知自己行錯遲唔遲D?同樣,明明臥底早就被人玩到爛,王晶等依然繼續如此玩,還真係outout D


沒有留言:

張貼留言