2017年4月24日 星期一

《報告老師!怪怪怪怪物!》 - 惡至極



九把刀遲左講:唔係每人的青春都像「那些年」令人回味,總有人的經歷係不堪回首。假若欺凌都係青春的一部分,張榮吉比他搶先一步早說,那套叫《共犯》


因此《報告老師!怪怪怪怪物!》 (mon mon mon MONSTERS) 把一切都推向極致,電影還是大玩幽默,但叫你大笑也引你踏進陷阱:林書偉段人豪廖國峰葉偉竹等四人幫進廢棄大廈名探訪老人實玩弄老人,有個仲係老榮民,差一步就玩到族群衝突 – 台灣人玩謝外省人。甚至只要「國父顯靈」換做蔣介石,「怪物」姊妹的失蹤年份改一改,隨時令你笑向二二八或白色恐怖時期等的人間慘事。雖然九把刀還真有一幕玩到689了(在台灣689為指馬英九)。

九把刀也比張榮吉灰暗,除了「怪物」叫人同情外,稍有點戲份的角色都係該死的:段人豪廖國峰葉偉竹惡霸三人組唔駛講班花吳思華又唔係《出租天使》的佐佐木希也沒露出胸部我怎可原諒你、女班主任扮觀音卻眼見學生遭欺凌也愛理不理更叫人齒冷連遭欺凌的林書偉也是叫恨鐵不成鋼,眼見小怪物遭三人殘害也只係懼弱地企埋一邊,正因小怪物取代他成為三人欺凌的對象,只想著奴才下還有奴才的人最可憎。

其實人為什麼要欺凌人,九把刀還真會交代 - 簡單就:「好玩嘛。」深入就係幼稚不一定等於純真,後果成本最低的年代或會令你惡向膽邊生:正因以為玩野無成本點解唔玩、屌人老母唔使付代價點解唔屌,於是三人把小怪物摧殘到不似人型,弱智人仕看管的小店最後被搶掠一空。惡至極就係人與人的關係淪為一生存遊戲,三人原還用義氣拉林書偉合作對付怪物但林就係「資優生」,意識到怪物被搞定後自己的下場,因而先下手為強反利用三人信任來借怪物殺害他們。九把刀頌讃愛情的美好,那是因其係建基於性本善上。而義氣卻係建於性本惡,那就只有戲謔了。

結束係林書偉在湯下怪物血殺盡全校人再自殺身亡。或會有人話這係把長谷川和彦《盜日者》的結局具體化憤世嫉俗的毒男化學老師澤田研二也等於林書偉,其與菅原太文對決時講的:「這個城市已經完了。」,九把刀改以深色畫面、被搶一空的雜貨店、林回校續被欺淩等來一切勝在不言中。你可說九把刀還是熱血的反建制,就係要惡到盡來引火自焚才令善良的新生得已發芽。假如九把刀承認欺凌係既有的建制需要保守,那結局反該係林看著焚燒中的同學再冷笑一句:「真好玩。」


5 則留言:

  1. 你好,不好意思,閣下的文章有劇透能加上警示嗎,而且首映的時候九把刀也有請大家保密,這樣把結局寫出來不好吧

    回覆刪除
  2. 加警示可以,至於劇透,很抱歉,我不透露一下,我想我這篇文根本寫不到下去

    回覆刪除
  3. 其實點解急住要寫?套戲都未公映,仲有成三個月先上!九把刀都講明叫大家唔好劇透啦,好心香港人俾D質素!唔該快D刪文尊重下九把刀啦唔該

    回覆刪除
    回覆
    1. 朋友,你搞清楚,"唔好劇透"係我俾錢入場後佢擅自附加的要求,我沒答應過
      如果佢開賣前講明呢個要求,我直情就唔會依家入場

      刪除
  4. 作者已經移除這則留言。

    回覆刪除