版頭

版頭

2017年4月21日 星期五

《拆彈專家》 - 生命保護經濟就係


如何未入場就判定一套邱禮濤之作為伏野的確係一門學問簡單先睇編劇是誰李敏偶會人膽大但唔就係藝高都有如《兇手還未睡》等她駕御不了的;你會罵不公道,但都要說,劉德華又會係一個指標也是他自討的誰叫他近年連《未來警察》、「天機」、《風暴》都可以接一大餐?


拆彈專家 (Shock Wave) 上部,劉華扮的章在山獲授勳致辭時講點解會做拆彈,就用一個老鼠掛鈴的比喻:小老鼠自願出去在大貓身上掛鈴,話正義係淩駕於生命之上 - 似笑話多D老鼠去偷食關正義咩事?真係唔介意你翻炒「古惑仔」:點解做拆撣?巴閉囉,英雄主義疊馬......起碼大義凜然得過呢句九唔搭八。由這滑稽的上部,應該要預計定往後下去會點唔掂。

劇本最大問題:既然講拆彈,那就唔應離炸彈太遠。炸彈唔係一爆如此簡單,君不見《十個拆彈的少年》如何令你膽戰心驚,如何令你體會戰爭的殘酷。故故事就係時而過於遠離炸彈:一時叫劉華同宋佳談談情既然唔係來場肉博那唔應浪費時間罷一時又按耐不住玩返傳統警匪恩怨情仇姜武扮的火爆還真如李敏 - 人膽大卻不見得藝高拉整隊僱傭兵入紅隧和警察玩對峙,在這個講求玩野無成本之年代,那會如此高成本低效益之玩法要玩英雄主義玩鋪勁一人一架載滿炸彈的貨車打橫攔隧道再隨意捉住一人其餘手下全港到處放火就成姜武既要報仇又要謀財故叫政府回購西隧幫財團抬高股價一來點解唔係回購領展扮俠盜二來你夠膽又那有財團如此大膽這樣串通李敏或擅於做功課寫拆彈但寫其他卻係天馬行空易貽笑大方

接著先係蔡瀚億被綁炸彈,章在山仲識拆唔掂時調頭走,也許係其太煩膠於是就拿拿聲拉柴都唔打緊;最後章在山叫隊友吳卓羲若他剪黃線唔爆就照跟剪黃線若爆就剪紅線沒看過王晶的《鼠膽龍威》李連杰就係咁博一鋪而累死了隊友自己要呈英雄卻要拿埋下屬命仔較飛既然所有人已疏散兩炸彈同炸也只係紅隧冧哂香港經濟損失唔知幾多錢而已,卻就此已解釋到送兩人去死也值也許李敏借此諷刺:你地班港豬眼中的正義,就係唔好阻到你地搵食返工捱世界,因此雨傘革命阻你返工,卻更比霸王硬上弓的八三一更叫你們要喊打。

若早幾年,《拆彈專家》這貶低生命價值的結局,係會給人由街頭罵到街尾。但好彩今時今日,這片至多被恥笑一下就沒有其他。正如中段劉華著住警服入隧道時遭匪徒圍毆,定有人會看到此幕而感到心涼痛快。


沒有留言:

張貼留言