版頭

版頭

2016年4月25日 星期一

《我老婆係明星》 - 難睇,唔係你係癩蝦蟆,而係你自認癩蝦蟆


陳卓賢同學

恭喜你,終於擔正寫出一個拍上大銀幕的故事。唔係因為咁,呢套戲我本來一點興趣都沒:我又唔係劉心悠粉絲,翁秀蘭上次的《花街柳巷》已叫我對她不敢恭維。只係你寫的《我老婆係明星》 (My Wife Is A Superstar)卻搞到我煩惱得很唔係無話俾你反而我有很多話對你說只係唔客氣地講怕你唔滿意。太客氣地講就輪到我的讀者兼連我都唔會滿意……唉。

好了請你原諒我接著落來對你狠狠的批評故事還真太過薄弱直頭係當觀眾白痴乜都唔知乜都唔曉狗仔隊記者和飛上技頭變鳳凰的小明星已成婚在現實世界到婚姻登記處翻查一下再唔係就在兩人屋企樓下等多兩日即遭揭穿故事就完。難為戲裡各人都要扮成三歲小朋友在玩捉迷藏雖然只係一百零三分鐘但對有點成熟的觀眾要一坐到底還真要付出好比看三小時默片的耐性。

但個人覺得最難睇唔係咁而係你後部寫賴毛在記招上含淚說:「係我一廂情願係我癩蝦蟆想食天鵝肉!」睇到呢度我還真係氣在心頭叫有冇搞撚錯。

首先要肯定你有機會擔正寫劇本還真會我手寫我心娛圈裡的朱淇報社裡的賴毛豈不是我們以及眾多年輕的影子朱說的:「若果我做大明星我一定要改變它!」豈不類似我們都講過的豪言賴毛被嘲癩蝦蟆豈不是被叫廢青的我們之遭遇年輕時我們豈不是在迂腐制度下難展所長推倒建制豈不是我們的夢想

朱淇胡里胡塗飛上技頭講真點飛上不重要重要的係她上位她昨日要改變制度的豪言一下就忘記。當明星就不可在外有戀情往日她必拍枱叫罵不合理今日她卻甘之如貽。說穿我地真正夢想唔係去改變現狀而只係求上上位。我們有幸成為建制一員自然掩著良心為昨日叫罵的不合理而背書。還是要讚你看穿我們的虚僞正如高級餐廳裡的「扮高檔」車仔麵,都係精彩的嘲諷。

但都係要罵的係你已完全認同所謂現實賴毛最後在記招竟自認癩蝦蟆想食天鵝肉我們都知賴蝦模此名係外人夾硬起給他正如我們被叫廢青。奈何他當眾推倒檯櫈叫嚷:「我係癩蝦蟆但點解我就食唔起天鵝肉事實我係食到呀!」都唔敢選擇忍受如把綠帽硬戴上他頭上的侮辱我們現在看唔順王晶但要知廿年的《精裝追女仔》周潤發真係癩蝦蟆但追張曼玉卻毫無懼色。點解廿年後的男人懼弱得到最後一刻連反檯的勇氣都沒有你可否答我

就算你說反映當下,但真正現實係,《十年》只有五十萬製作成本,卻拿下金像獎最佳電影。有人叫罵這真係癩蝦蟆食天鵝肉但你豈有見導演監制等出來含淚道歉說:「對唔住,我o地係冇資格拿。」我們可被人睇低,卻豈可睇低自己,連應該到手的都唔敢拿上手?就算我o地還真講就凶狠做就碌撚,但點解在電影這個虛構世界裡,我們連個有勇氣的角色都唔配睇到?

最後我還是希望再有機會在大銀幕前看到你的故事但若再有下次,還希望你交返個有勇氣的男人出來,好嗎?

你的同窗

徐志銓敬上

沒有留言:

張貼留言