版頭

版頭

2015年2月22日 星期日

《賭城風雲II》 – 無自覺的好大叫你連屎忽都賣埋


話雖小弟從來不會因甚麼而罷看誰的電影,但王晶近年的舐共言行愈來愈叫人看不下去,只因立場不同便和一干演員絕交,看得出此人量度如何。或許王晶會如此辯解:「搵食o者。」但只為兩餐卻要去到如此地步?看他的一套新作《賭城風雲II》 (From Vegas to Macau II)  或會更了解其所謂的搵食是何解。


《賭II》其實承如上集,靠一個周潤發,做一個鬼馬爛仔,耍一下賭技,表演一下飛牌,來討觀眾開心一下就成。但這次卡士卻遠大於上套 – 不止找來張嘉輝加劉嘉玲,又話雖DOA專機是「天機」用的小學雞特技所造成,但開頭的三點式女郎圍攻郵艇,DOA出動一群特種部隊把一大座渡假村炸到唏巴爛,又叫人忍唔住問句:「嘩!駛唔駛呀?」為何王晶有本事玩到咁大?聽到姜浩文無故說自己代表大陸某間軟件公司,賭台上也打著那間公司的名字,錢如何來?你還不懂?

現在常說香港電影應該放棄合拍回歸本土,從前的王晶也不用靠大陸的錢也能拍出《賭神》,就算現在場景只有一張賭檯,只要還有一個周潤發,也能討大家盡興。但王晶就係不甘於只拍一部小品,於是明明一張賭檯也可搞定的,卻也要加上槍火交戰等大場面,令電影看上來有咁大得咁大。所謂的搵食,其實只係藉口,實話係要好大無得輸。好大固然要有錢才成事,香港影業經常都在呻窮,就只好靠大陸老細,為了保持良好關係免得水喉關上,故王晶近年的言行,最簡單的解釋就是:效忠。

《古惑仔4之戰無不勝》裡陳浩南經典的一大段:「點解入黑社會?巴閉囉、英雄主義、疊馬……」沒多少人了解古惑仔背後的教訓,王晶也一樣:他或不甘心人們以為他就只懂拍嫖賭飲吹酒色財氣,故就算賭,也要賭得夠大,就是要掛上個大片導演之名。為了如此巴閉好大,他就把屎忽都賣埋俾中共。他不了解的是:就算拍爛三套片,只要拍返一套好戲,觀眾總會忘記;但你無底線的舐共,言論卻會印在觀眾心底難以抺去,話之你再拍出如何偉大之作。行錯路,真係無得返轉頭。


沒有留言:

張貼留言