《雨中的慾情》- 坐戰爭望粉紅沒樣起勁

 

首次看片山慎三，原諗係咪應睇埋《海角上的兄妹》，但諗落又未必駛：咪就粉紅電影咁樣樣，重要幹起上來時要朦朧下身，連個股都唔給你看，尺度唔大致想對下都費時。 

 

就架構而言，《雨中的慾情》(Lust in the rain) 叫分兩部，一部和平時的，另一戰爭時的昭和。和平昭和似夢境，係作戰被擊倒昏迷發的長夢。你話似若松孝二的《嬰兒偷獵時》夾《芋虫》，唯若松裡的男人都不可一世，《雨中》裡男主角講好聽係善良，坦白就係弱雞：戰場上同伴奮力撕殺，佢卻左閃右避。下體重創，搞到發夢開頭都係有得睇無得食。 

 

你問《雨中》主旨是甚麼？只話反戰就係老土，就尖銳也唔夠若松。據說戰爭係片山到金門堪景才另外加插，但卻似畫蛇添竹：原本專心夢裡大戰，只要女主夠睇頭，反正粉紅就係幹字掛帥。問題你又跳出去槍冧彈血，但又唔殺得起勁，也就聯想回到夢裡就迫著少幹幾場，觀眾看著白嫰的女主只感浪費，亦更埋怨劇情之散，話雖這本來係場奇幻之夢。 

 

這是典型坐這山望那山，致無論戰場定床上都唔激，淪為主旨不明的奇情堆砌。我知人梗會野心胃口增大，但也要量力而為，得一想二通常沒甚麼好結果。