《臨時劫案》- 邊有賀歲唔打得劫架？

麥啟光是誰？佢就係早年叫美斯張家輝嚷：「邊有學校唔食得煙架？」-《流氓師表》的導演。大概有人覺《超神經械劫案下》奶哂野，都係穩穩陣陣用個老經驗。

 

話雖有先例，《臨時劫案》(Rob N Roll) 你或都覺得唔老黎，或者麥正係先知，預知大刀會大年初一就開年。但你還質疑新年流流做乜講打劫，或見三主角就知戲謔：只差一個陳小春，爭D就成《樹大招風》三大賊王之合作。 另郭富城又似著返《麥路人》套老西，其結局又係回憶家人中，孤身於周圍而去。

 

《臨》說是喜劇，卻又令你感到悲涼：城城的梅藍天熱血衝動前拳手、任賢齊的戇直慕容輝、就算偶有狡詐食夾棍林家棟的笠水，頂多也只是軟弱 - 三人本質老實人，卻也踏上打劫之路，梅藍天一開頭就做，慕容輝中途自想到打劫。歷來的賀歲片多係期望天降橫財，也就係食飽後妄想發達。《臨》卻係眼見努力做人卻沒應份收鑊，被迫得走頭無路才出此下策。慕容輝只想到買槍卻毫沒目標，梅藍天於是帶他們打劫返食佢夾棍的蝦少 (姜大衛飾) - 就係個種邊度失去邊度攞返。

 

最後係梅藍天倒下，慕容輝笠水雖沒大富大貴，但他倆問題卻得到解決，只係沒講清楚點解：梅最對抗社會也就要他沒好下場，慕笠結局或唔現實但都要咁處理，只因這套係賀歲就始終唔可以悲觀。這也是一種荒誕，像是你現在嚷睇到這麼那麼的好處，別人只覺得你見鬼而已。