《回到戀愛終結時》- let bygone be bygone

 

唔係日本愛情片都係萬能，就有人仲要係女會嫌松居大悟的《回到戀愛終結時》(JUST REMEMBERING) 悶。或者咁講係太平淡，其實一比如浪漫主義的《她和他的戀愛花期》就知原因：《回》係現實主義，兼且入場前你看到誰是女主角也該想到 - 伊藤沙莉。

 

伊藤係矮，所以連外型也比如石橋靜河更不出眾，或者你會覺得佢可愛，坦白講因其聲線低沉，我卻覺得佢似師奶仔，就係東京街頭從天跌下招牌也當場打死十件。她穿起制服駕起的士，你卻唔會驚訝謂甚麼靚女車長，就係冇違和感，你就會感她就妳或身邊穿插過的其中一個，她和池松壯亮怎樣開始、怎樣熱戀、怎樣失戀，亦係你我或都會發生的事。亦正如池松 - 只係東京二千萬人中是但一人。

 

你係計較此電影幾沒任何激情：敘事似《薄荷糖》，但每年七月廿六，除了池松生日也就唔係乜特別日子，故就只係見由戴住口罩到戴上口罩再到沒人想到要戴口罩般倒敘。更重要係既然講戀愛終結，卻係由亮起紅燈到散了以後，沒畫公仔畫出腸地說分手。當然這又看你怎去定義 - 真正的戀愛終結，係你回想之前或甜蜜或痛苦，但睇返現實係你再沒可能回到過去。

 

但電影唔係要你惋惜，反似係同你講let bygone be bygone - 過去的由佢過去：你人生未必只識一人懂跳舞或養貓、也該唔只一人會識同你偷入水族館窮風流、你散後和別人上床時，遠方和你同年紀的正忙著吃催淚彈、到你戴口罩時也是世上的人都要戴口罩：講真沒樣真叫你刻骨銘心，那你根本無需為此留住。你話《她和他的戀愛花期》也有此意思，但那是只顧浪漫而不能讓你心服。《回到戀愛終結時》係講現實，就係實際計出留戀比放下向前更是弊多於利。

 

你會嫌功利，但沒忘記既然你只係東京裡多你一個唔多的一個，即係他人也會計算著你，你也自不然算起他人，就得出彼此實也不太重要此答案。所以悶並非一無是處，有用在能令你看破一切，從而不被纏繞繼續前行。正如俾我係池松壯亮，會想起卻就知無需打搞真已成師奶的伊藤沙莉，因為更後生的河合優實等緊你。