《二人小町》- 著衫求屌陳漢娜搞出瘟室童話

 

大概沒入院睇戲停筆太耐，見這套有陳漢娜出演，心諗睇完實有野寫到，於是沒看清楚簡介就買票入場。果然沒令我「失望」，若不是這時勢要蒙著嘴，一出字幕就會忍唔住對銀幕一輪爆發吊高你。雖然有刻冷靜心諗會否係多年前陳未紅時的窮酸學生作品，但見到濱津隆之當路人甲：你嚷窮但又有錢請佢老遠過來只係食兩碗牛雜麵？

 

本來《二人小町》(Two Komachis) 就係玩廉價 - 導演曾根剛係本小利大神片《屍殺片場》的攝影，但《屍》唔係一味靠平，而係有限畢直卻精盡吐影人苦水取勝。另一相對係《The room》（港譯《瘟室》）- 亂咁駛大卻爛到盡頭就是型。咁《二人》呢？係窮卻駛錯哂地方，好簡單既然有錢請陳或劉漪琳到濱口，咁點解唔索性請兩件女優拍粉紅？反正都係搞野，你卻叫陳著哂衫地搞，我只心諗你無撚野嘛。 

 

或者其他都可以平，唯劇本你玩唔到短小精幹那不如投資多點：沒看過芥川龍之介原著，唔知故事是否就這麼，但顯然未敢玩到最荒誕，都話係玩粉紅或可推上一層次。你卻玩著衫扑嘢，結果所謂信你大肚又戀上凡人而收手的死神，呈現就似係呢個笑話：一個女人行過某家門燈意外打爛人家的燈，登門道歉時迎來的男人自稱係燈神，稱可達成她任何願望，但男人又嚷因被封印太耐飢渴難耐……一番翻雲覆雨後男人問女人多少歲，女人說已三十了你不介意太老，男人笑道我才介意你成三十歲人竟仲信有燈神。 

 

諗深入層本來就不可說芥川原著荒謬，若時空換在如馬太格朗尼《原味成人童話》 (Tale of Tales) 裡，那為愛而淪到喪命的死神就正如做好人卻沒好下場的怪物男，無違和。無奈你就係無錢，還是無心完善故事，結果就搞出叫人吹Q漲的陳漢娜：著住衫叫一班麻甩佬輪上自己，仲要為有唔到Ｂ喊苦喊忽，已超越左《The room》 –就算屌肚臍好歹都係除衫屌下話。