《使徒行者》 - 無得揀只因你玩曬

常曰橋唔怕舊，但明知舊橋你都玩完又玩玩撚到爛，係好難叫你去受。

《使徒行者》(Line Walker) (文偉鴻導) 電視版沒看過，但看到開頭佘詩曼的出場，想到不外乎講呢三樣：臥底、臥底、臥底。《無間道》都已十多年，照版煮碗本來到「Laughing Gor」也該到此為止。更甚者，Laughing Gor也就頂多只有一個，《使徒行者》卻就佘詩曼的阿釘係臥底、古天樂飾的少爺係臥底、張家輝飾的阿藍又係臥底、聽聞所謂的快撈波士許紹雄扮的歡喜哥原來又係臥底，差D要等睇o個個終極大佬郭銘會唔會又係臥底。乜人都可以臥底，叫人不禁吹漲怒屌一句：「你玩哂啦！」

臥底之外電影重講o左咩？就係句「無得揀」，阿釘開場已向Q Sir埋怨幾時先可以「分手」。這些唔係重覆陳永仁的「三年又三年」，也就係Laughing Gor的：「點解你們只給我不是A餐就是B餐，這叫有得選擇？」，港人的處境正如這套電影，十多年都冇變過。

臥底臥底又係臥底，話就係警察的臥底，唯到警察都會被當成黑警的今天，就叫人回憶起《少林足球》大奸角謝賢得意洋洋講的：「球證，旁證，足協，足總，足委，全部都係我既人，點同我打吖。」往日警匪之間，起碼警會收買個球證，匪又會扮旁證，互相鬥法未到最後一刻難分難解才好睇。《使徒行者》已玩哂到匪的一邊都係警察自己人，結局老早預計到，也無謂再睇。也正如今日香港，甚麼人都係對阿爺奉承的人，於是龍門任你搬不知廉恥，更是難睇到難睇落去。

講咁多算，你玩哂的戲真係講多無謂。