《葉問3》 - 永無休止的戰爭

終於來到《葉問3》 (Ip Man 3) ，開頭還以為終於要講到李小龍：年少輕狂的小龍被老定神閒的葉問耍了後揮袖而去，只有這麼的。我懂的，一個武神對另一個武神，那個講糟了一點，不是只叫臺下觀眾粗口橫飛那麼簡單。

連續三集也是如此的公式 - 挑戰者加惡人：一對踏上門的金山、二對地頭蟲洪震南、三有個地位後也要和張天志單挑；一對日本仔、二對橫蠻英國拳手、三對叫流氓又火燒學校又綁架細路圖強收學校的泰臣。唔係不斷有自大狂來挑機，就係壞人們一集比一集窮凶極惡。為甚麼要叫甄子丹來扮？就係要佢打夠十個，今集仲要加多一個，唔係點解唔學邱禮濤，叫黃秋生來演就算？

葉偉信的葉問，只要甄子丹不死，還可如陰陽路長玩不死的。只係他的「存活」係悲哀 - 警察都係廢物，社會目無皇法，要戰勝邪惡還是靠你的拳頭。邱禮濤真可叫葉問「收山」，是邱的世界裡，你有好武功卻不止未可為他人解困，更不可解自己的困；葉卻係你沒有好武功，就沒條件去談去解甚麼困。邱的葉問真正可放下身段，因為講法律講金錢講現實，你做到武林第一都沒啥用；葉的葉問原本係岸郊野吾嘗鋰只想陪老婆，最後還是借老婆去一戰，因為唔講法律講那時的現實，你唔打就真係冇用。

五十年代也足有十年流流長，每年想個年度惡棍也夠你再玩十集。只係這個葉問，除了打，也就只可以打下去。唔通變係怕，呀唔係，係尊敬老婆般下去？葉的葉問諷刺地就像美國，想以武去創造和平，但最後才發覺戰事係無休止，始於你學懂伸出了拳頭，最後卻學不懂把拳頭收回。