你覺小弟先入為主，但看過戲後你或都覺這套還真夠「老」：如方做奸人一定見低暴躁見高窩囊不在話下，城城做忠就正氣昂然，明明按本事辦事竟會愧疚萬分 - 就係黑白完全分明冇走位，故事結局如何老早估到，咪又邪不能勝正咁樣樣，其實格局咁老定哂你仲可能點撚樣？
其實更大的老味係麥像時下的老嘢鐘意「我以為」：吳派兩警扮內審到城律師樓查文件，律師樓櫃檯姐姐竟似沒問清楚係咪真審計就放佢哋入來睇機密仲要嫌人哋似係基；又不是七十年代，竟以為金三角仲係賣毒品，仲要貪污都係一舊舊一箱箱錢交收，竟唔知有樣嘢叫加密貨幣；最攞命係最尾城城懶認真：「問你一樣嘢我先決定接唔接單，講真話，你有冇做過？」即你之前就明知個客真係罪犯你都夾硬同佢洗白？律師明知客戶犯法係不可隱瞞，這是今日中學雞都知的法律常識，豈會係你做律師咁耐到最後先諗到？
其實更大問題係這套太「老實」：相對《廉政風雲 煙幕》好歹都叫你去諗貪唔止係貪錢，貪功都算係貪；《內幕》已即頭倒退唔叫你思辯下：慈善機構內挪用善款純係貪錢沒其他，叫方狡辯「我把微薄的捐款滾多幾倍我再抽返一成又有何不對」也沒有，唔係係麥「老實」還是費時叫觀眾做乜諗野，諗得多頭痛還不如叫城城表演下跆拳道好過。
麥兆輝的三部曲還有《黑幕》，但看來麥最好盡快認「老」再諗下套如何「年輕返點」，依這樣毎況而下套又係城城，很大機又給觀眾看多一舖《斷網》，其實六十歲人現代定義或算中年，拜託不要那麼快失控了一切好嗎？
沒有留言:
張貼留言