唔知係咪百老滙院線網頁編輯自把自為定真係咁寫，《夢遊納米比亞沙漠》(Desert of Namibia) 簡介先入為主數算年輕，說河合優實演日本最爛的人。編簡介者大概看爛人太少：《百元之戀》的安藤櫻或《只能唱的心聲》裡兩男一女都比她爛廢十倍。又或煙不離手的河合，雖唔直情在街踢拖吞暈吐霧嚷：「瞓啦柒頭。」，但有百份之七十五似已足係件叫人睇唔順的MK。
看的是河合的MK生活，卻唔算太散有點故事：河合踏地產仔寬一郎和電影freelancer金子大地兩條船，河合趁寬老實交代去滾而借機飛了他轉同金子雙宿雙棲，卻發現彼此係相見好同住難。
其實河合撇寬係金子迫使，接著再順水推舟而已，但她卻又唔似存心吃盡兩人，她只係甚麼都無所謂，就係返工也是機械式沒啥朝氣沒落力。由她連帶電影也似混混噩噩漫沒目標，像劉國昌《無人駕駛》，諷刺那套還真有目標：「阿媽你幾時返來？」這套係河合金子兩人餐桌默不作聲唔問唔答對望，似道之後會點是Q彈；河合唔算精緻耐看，縱然她偶賣下大包露兩點提你一下神，但看到愈後你就係會不經意瞓低。
漫沒目的本就係河合人設，但像《無人》沒有批判想法，只純講她如何躺平：工作唔積極更問可否唔返工、社交就I人咁唔主動、最明顯其興趣係躺家渡日，唯金子在家才無聊到聊交打 - 電影沒有婉惜她為何如此，更沒有「教訓」式結局，像講如此生活只係等閒事。
你問山中瑤子拍《夢遊納米比亞沙漠》意欲何為？或如三宅唱《你的鳥兒會唱歌》咁，嚷你唔明白也還請尊重我躺平是平凡。你問我我卻覺得寬一郎老實做人卻換來此等對待還真太唔應該，也很難對這MK妹尊重起來，縱使佢叫河合優實。
沒有留言:
張貼留言