《贖夢》- 夢他人眼中刺易過見自己面前樑木

 

失眠還是惡夢，似都和作孽相關，邱禮濤《失眠》有講：你莫以為可以用睡眠去逃債，那管你的債扯到男女權、前世家國恨那麼遠，總之找數才有較好瞓。

另一種係自己心魔，李志超《妖夜迴廊》係咁講：這魔唔叫你欠著別人，可來於別人搞著你，重點係你唔敢面對自身慾望。計較別人眼中刺總易過正視自己眼前的樑木，就係李去講也講到一塌糊塗。

 

張家輝的《贖夢》（Peg O' My Heart）則似「致敬」《妖夜》，劉俊謙叫比得上吳彥祖，開頭又有一幕剃鬚，叫人思疑劉又會否剃傷自己，只是他無；亂入的劉華也又如古靈精怪谷峰最尾彈出來：「你發惡夢呀？」。只係張或知《妖夜》只七十多分鐘片長卻太過貪心散亂不堪，自己只多十分鐘就要規避錯誤 - 唔會叫朱晨麗硬上劉或叫劉嚷「屌我」，朱就只著密實護士服，卻又白色顯得身材有點突兼加些少腳，故意讓劉知道她在維護他當挑逗，但又保守唔敢太多做次。

 

其實係捨難取易 - 點解發惡夢？就係自己作孽：那管係害死自己阿媽定朋友，總之像邱扯上他人就易搞掂，他人的錢財正如他人眼中刺你反易看得清去數算。所以點解《贖夢》還唔算直抄哂《妖夜迴廊》，除了張叫唔郁朱晨麗或法拉，劉俊謙又或會窒：「如果又搞到《我在這邊等你》尷尷尬尬，咁你即係玩鳩大家啫。」

 

當然你可死撐慾望各式各樣豈只得性，正如男人渴望還有車，故此戲裡撞車特別多，瞓唔到而無法駕得掂的士的張家輝，也算扮出一個無法自主男人的惡夢。