《花腐》- Thank you for your everything

 

你叫我最簡單講解下《花腐》 (A Spoiling Rain)，最貼切係咸濕版《她和他的戀愛花期》，講真就算荒井晴彥確實交出大段好J情節讓我大飽眼福，但我不太想這樣形容。

 

驟眼睇《花期》《花腐》意思相近，都係講戀愛有限期，只後者更著實花沒有結果就係凋謝腐爛：促使兩段關係終結都係生唔到仔，以致未能跨進到婚姻。即使你話理由很是膚淺下流，但係現實坦白，難道講成手機合約你又會覺得很高雅？ 

 

小弟講過和平分手係不可理喻，這套表面似如是：一係你竟和我最好朋友有一手給綠帽我載，或係你落了我的孩子葬送我成人父的願望，是但一項或都叫我對你恨透到底。但電影卻又叫你去諗深一層：因為萬念俱灰的只係我，你或覺得生存係一件唔錯的事，那就唔好拖你落水，係對你最後溫柔；臨分別也給你來個最後一炮，總實際過分手後繼續同居三個月仲要包剪揼爭隻貓。 

 

更叫你無須記恨我的理由：你下個一定比我更好 - 當你看著新相識的富家女既會在你面前表演女女或騎乘你，你覺夫復何求就知她的離開還真是一種祝福。你想答謝她奈何她已遠去，就想找首歌寄意，那管是山口百惠，還是張國榮的歌也好。只要唔係挽歌，有句Thank you for your everything 就夠了。