《4拍4家族》- 獅子山下高歌只在自high

 

賴恩慈的《4拍4家族》(Band Four)，表面似《四重奏》- 用音樂組成同一屋簷下，成員間似朋友盡無階級。當然分野也多，《四》係四角平分，《4》卻係謝安琪一人貫穿，連歌都係泰迪羅賓Anna hisbbuR係咁易唱一首，謝卻接近最後連唱三四首咁。 

  

還有係《四》真沒階級，《4》係謝會記恨父親另望當個好母親 - 她既階級鬥爭另又想建立階級。只泰迪面對女兒內疚，唔聲唔聲讓她贏，你還以為沒甚麼賣弄父權。但擲結他鼓棍落街離家出走，對抗舉動始終明顯；且《四》四角同為三十路，《4》係四年齡層分野：九歲小朋友和未滿十八少女似為點綴，重點還看在七十路泰迪和三四十路的謝。 

 

戲裡家庭係唔現實，賴似借用來喻這家背後獅子山下 - 聽到嘔老土重點脫哂節：就係人人皆講有咁遠走咁遠時竟有人返歸，雖還真有人在外一無是處唯有倦鳥返歸，當然冇話泰迪真廢老，就當他只樂天知命；真要留下來的又怎樣？小孩少女似沒太多可作為，關鍵還在謝安琪，但係她事業感情全沒進漲，並身患腦萎縮之病，衰退似係不可逆轉。

 

賴恩慈叫謝帶著全家去到邊唱到邊，想還能夾band高歌就能解決一切。這似會被窒太真：就係在山上舉兩幅題字也會被告，你敢想像真能駛車上去開show？你辯反正寓言，天真有何不可？《20世紀少年》最後也是用音樂召集人民保其命，從而推翻「朋友」政權。重點在賴講偏唔出留下來要對抗對準的，唔係你自身困局，反係如《20》裡的「朋友」。沒看清要面對甚麼，你在獅子下山高歌，人們只當你打了麻醉劑自high。