《紮職2》- 唔諗道理教育電視

 

眼見《紮職》多年後竟然有2 (The Brotherhood Of Rebel) ，隨即心諗唔好啦掛。話雖反省當年未免恥笑陳翊恆得太過，某些情節如大班古惑彌敦道哂馬差佬冇人到只係佢走得太前。但若當年拍來只為叫大家認識一下陳偉霆，及後卻反證還不如叫佢上大陸唱一下你是最迷人的你知道吧。何況黃宗澤張繼聰陳家樂我又唔會唔識，真唔識或只係導演吳家偉而已。

或者真吸取上集教訓，今次拍得算實在點：上次一味吹水，今次起碼講數會實在爆下你樽、收地收樓會出人去收，話雖只係簡單暴力。開場初生之犢伏擊對家大佬，叫扮得年少無知手足無措，差在黃張陳三人實年紀唔輕，近鏡一看就係載個假髮著件潮衫也掩蓋不了老積，似乎還不如搵三個年輕新星，就像當年挺的士陳咁。

 

還會問若《紮職2》非助念新星咁拍來做乜？有人話這套非頌揚江湖夠霸氣，反係教訓你江湖真險惡。若真如此卻就搞出先天問題：戲到中後愈沒道理可言 - 若相信張係無心之失靠害大佬，為何黃陳唔去搵幕後真兇，叫張只頂多斬手指賠罪了事？點解唔叫張拿拿聲搬走先唔好阻你收樓發達？就係夾硬兄弟相殺，來話你知江湖沒有真情義，於是搞出來係亂殺一通，就係唔直白卻又講得白痴教育電視。

 

而且既然最後都三級，成人駛你教訓別以為黑社會講江湖情英雄主義疊馬？更重要係警察現在都講忠誠勇毅，你竟幼稚嚮往這些還不如真去當差起碼每月兩萬四？我想《紮職》點都唔會再有3，正如你問新一代知唔知咩係教育電視，十中八個都會答唔知。