《該死的阿修羅》- 流動的怒

 

樓一安的《該死的阿修羅》(GODDAMNED ASURA) 像《疾走羅拉》(Run Lola Run) - 表面上同一班人同一處境所分拆故事由三減二，但樓或告訴你若給他無限分鐘片長，佢或能把故事延伸N個。 

  

主角係黃聖球扮的詹文，在夜市裡拿氣槍周圍掃射打死了人，但一過〈奈何橋〉，原本死者在另一時空變了殺人犯 - 你以為又係扮探討實數算年輕，當然唔係：若再多無限時空，就係那良善原住民老夫婦都會做了兇手。你問樓是否認定人性本惡？佢似乎對此又沒既定立場，如反叛的o靚妹也會很善心、或忍聲吞氣開的毒撚突然有著殺機。只係你本善定本惡，背後總有個幽靈似的繞著你，那叫怒。 

 

《怒》係李相日拍過，但佢講怒是固定，就係不合時宜的憐憫也可把它激發。《阿修羅》裡的怒氣卻係流動：你可因為父母管得你自覺似隻狗、也可因做沒自信毒撚被壓抑到爆煲、或暗戀的朋友被搶走、更可以因怒而怒：毒撚殺了你女友，你就向毒撚家屬揮拳。亦所以內裡漫畫及開章叫〈憤怒的零〉–零就係一切之起點。 

 

你問人可否控制著怒？或樓還差在拍著那對原住民夫婦發怒，於是明顯發怒起禍的只有詹文。自以為是的成年只有批判年輕少不更事，其實最懂事的反是年輕人–人人問詹為甚麼唔道歉好歹避過死刑，詹回應殺了人梗要填命冇得避：他還知做錯就要擔當。 若你問我，我還寧願你懂得宣洩憤怒，總好過忍聲吞氣到煲也不懂爆。