《初戀慢半拍》- 大細路柯震東與想和她伴舞的徐若瑄

 

戀母電影還要睇你找到怎樣男女主角才敢叫你去開拍：彭秀慧唔敢叫姜濤，陳駿霖卻敢叫柯震東，未必是其從大陸敗退回來乜都敢，而係看中他的「情史」。 

  

柯還多搭上大姐姐：《打噴嚏》與林依晨、《再見瓦城》吳可熙、《鱷魚》李心潔等。仲要每套柯都設定係少不更事大男孩，故總要有些事要學懂 – 如一加一未必等如二的愛情道理或是社會真像。這次《初戀慢半拍》(Mama Boy) 還要去做媽寶–由同肥妹傾計都結結巴巴，到最後同靚女常客傾多半句，今次最表現出是成長故事。 

 

你問為何要選徐若瑄作對手？或係她面容和年輕時沒太大走樣，多了係疲倦和滄桑，認老認得很大方，姿態係瑪格麗特杜拉斯《情人》開首的：「.....我覺得現在你比年輕的時候更美，那時你是年輕女人，與你那時的面貌相比，我更愛你現在備受摧殘的面容。」就係沒想到去上她，但請她跳隻舞也聽來不錯吧。

 

其實戀母唔一定核突，因係你阿媽係個七嘴八舌控制狂，而你還真愛上她才叫重口味。幸好你根本唔係，但都睇唔慣你快到三十還那麼軟弱，戀上別人老母看來只係逃避，還好你最後也懂反抗，更還好係戀情結束後你還唔會哭哭啼啼阿媽阿媽，而係學懂重新上路。柯震東係個長年大細路，陳駿霖係搞到他最too simple too naive，卻又令他作了最孺子可教的一次。