《熱帶往事》- 無壞但寂寞的孩子

 

又係見監制寧浩才俾面一看，而唔係甚麼「壞猴子 72變電影計劃」：一來話自己很壞往往壞唔到那裡，二來事實這國度係產唔出銀幕上的壞孩子。

 

溫仕培的《熱帶往事》氣氛似刁亦男的《南方車站的聚會》，但比刁更強調係南方：落雨時碰著小販賣西瓜、時而穿插的廣東話、懶理搞亂時空而暗喻此地係深圳或廣州的和諧號列車、最重要係袋裝五萬為港幣，於是中後部小混混當街混戰，也令人想到實係睇得太多對岸的「古惑仔」。

 

特別之處在於那跳躍式敘事，但容易被看穿只小把戲：把原可以一野平鋪直敘的斬開多節，時間去到某點時再跳到前那一段；溫能把彭于晏教到多壞？面對張艾嘉卻不敢多想一步，換在你以為更保守的新加坡卻更會上了再講 (《熱帶雨》)。更甚者得著五萬元卻沒想過遠跑，比《大世界》更沒大志；或只因有寧浩才搞出一支古惑的槍，得出一個黑色幽默。

 

電影似白描九十年代的南方，但細看更似現代主義，彭想要贖罪卻議而不決，講好聽唔係沒種，只係猜疑道歉之後會如何。這也難怪：因為他身處在個似月亮初一十五不一樣的國度 - 你以為對，其實就是錯、又或今日錯，明日就對。現實這國度人們都搞唔清真相，何況戲裡只懂維修冷氣的彭。他唯一自知的就係寂寞的心，彼此也聽著那首《ARE YOU LONESOME TONIGHT?》。出獄時沒有人來接我或不要緊，好歹我幹了件或會叫你認同的事。講真壞孩子之稱完全多舊魚，正如我們閱《挪威的森林》，當然唔係為看渡邊被描係多壞的孩子。