上年小弟劣評過一套俄片《飢俄人妻》- 賣激戰連場實際戰無幾場，兼且故事吹鳩你漲，曾揚言香港該沒導演好意思拍到如此。但今日才知我錯了，香港電影業還真厚臉皮到極之。
《#PTGF出租女友》(Part-Time
Girlfriend) 表面睇係老土：你要懶認真叫個性工作者講自己心路歷程之類，已有畢國智《囡囡》、或是陸以心《同班同學》之如此類。但最叫人扯火是一開頭竟係趙善恆出場先，跟住同岑珈其等一班麻甩佬等拉拉扯扯十分鐘，喂唔係講PTGF咩？女呢？幾時先肯出？仲要講女主角係鄧月平，卻半小時後才施施然出來。更重要係電影角色尤其女多，卻就沒那個露得多，鄧仲要係眾女中最會做「凶器」偏係著得最保守。叫人想捉住導演鄭峰嵐怒吼：「你係咪玩野呀依家？」
可先總括此片根本四不像：認真又唔見得你真問、獵奇又唔見獵到甚麼、賣肉更是無賣出過邊忽。若你想知點解鄭好意思拍這套浪費尤其男觀眾金錢時間的戲，唔想聽鄭廢話自辯，你也可從電影裡從中得知：趙開頭堅拒叫雞，至後期搵PTGF搵到做KOL，這就出現了悖論 - 點解唔幾百蚊拿拿聲扑，偏要駛上幾千成日先或者掂到波皮？關鍵就係男女都係偽君子，男的唔敢直講想扑，女又唔會直認只要錢，彼此在扮好好先生純情少女，拖拖拉拉夠百多分鐘，到頭來毫無意義。若一開始男人夠膽直說為性，好歹也會搞到如粉紅電影：就係故事都係無意思，但起碼都有幹戲讓你看到夠。
你別憂日後會否連《#PTGF出租女友》都沒得拍，反而這種持道德搵笨柒的最合中共口味。也側面反映港人眼見中共耍無賴即束手無策，唔係中共太強大，而係港人太潔身致自綁手腳。就當你搵真愛，但一開始卻你自己都唔坦白，建於虛假之上又怎能尋真？你問留下來的怎樣應對漫長歲月？或許就係要從今日開始學識坦白想要甚麼。
沒有留言:
張貼留言