麥浩邦似有D運氣，相比黃修平邱禮濤等老手都搞唔掂，其第二套《逃獄兄弟》（Breakout
Brothers）卻道出二零二零後需要甚麼。
電影只有九十分鐘，故很多似講得顯淺，例如命題逃獄，睇落極其量只佔三份一至一大半。故為令人「順利D」逃出，監獄結構簡單得匪夷所思：還是傳統的簡單鎖而不是電子鎖，於是就被複製鎖匙偷走。不過麥又度出句叫你吹佢唔漲的話：「一切看似嚴密，但其實就係最鬆懈部分……」世事往往多係金玉其外，正如懲教都旨在做好呢份工，天下太平交到差算數，人就是這樣你就覺得一切也合乎現實。
另一個「兄弟」更似淺薄：三人各有各理由要走出去，另一個只係貪好玩，短短時間因此走在一起有甚麼情義可言？但若果你一直覺得吳宇森等度的兄弟情係作狀，扣除的話又差唔多篇幅。唔好聽但都係現實咁講：人始終都係有利才會走在一起。
點解這套薄過杜雷斯的會橫跨得過二零二零？正係其場景監獄：用張繼聰可謂特登，因佢在《P風暴》講過：「坐監係香港年青人的出路。」於是佢來到這套繼續以此為生，無獨有偶香港在二零二零七月一後也逐變大監獄，人人都有機會被莫須有，就像被屈收賄的栢天男。
但這套卻又唔係《誓不低頭》，反而想道只慨嘆「點解乜乜變成咁」有乜用，還不如既然真係變到咁就認清你們目標是甚麼：最後譚耀文見返個女、張捐到腎俾老母、柏上訴成功，他們逃唔到出去但有乜所謂，就係他們都搞得掂始終目的。怕坐監只因你潔癖，若然你調整心態認同案底令人生更精彩，你才會知道點樣去贏。
你若以為在賣認命論就請看到最後：陷害栢的建築公司老細都要入監 - 既然你把這地變為地獄，我就把你拉埋落地獄，在以拳頭解決問題的地獄你就沒法玩法律耍無賴。懶理得我係帶罪之身，反正勝者就係正義，這就係攬炒真義。你話麥浩邦其實都係炒冷飯，因為如出一轍的「我唔怕契弟，因為我最契弟」早就七十年代《變色龍》已講，只係到《逆流大叔》的二零一八都未get到，來到今天二零二一，香港人你終於get到嗎？
沒有留言:
張貼留言