梁銘佳 的《夜香 ．鴛鴦．深水埗》
(Memories to Choke on, Drinks to Wash Them Down)，三部劇情一部紀錄組合而成，若要把這些連貫，這七十七分鐘彷似是一間小巴公司，開三條循環線，最後一條無可避免係直線。
《出城記》已講明這種形態：真係一架循環線小巴，叫賓妹順勢帶著婆婆遊花園，痴呆的婆婆重覆著同一堆話語，你覺得好笑但出返戲院卻又見到自己生活豈不是又如此形態：正如《玩具故事》和《鴛鴦》都係頭到尾經過同一條街或站在同一部汽水機前。
若三個劇情都係碎碎念情意結，《出城記》叫想當年，《玩具故事》係男人借浪漫抒解當下之苦，《鴛鴦》叫道破所謂的香港風情其實並不浪漫 – 鴛鴦實係資本家度出提升勞工勞動力之物，教師收工做飲食男女，扮南歐閒情但傾起鴛鴦來由加句屌你老母都知扮唔出樣，雖然又係草根。
《It's not
gonna be fun》- 講林倩同的紀錄片，直線敘述其二零一九年參選區議會，其係打破頭三部劇情的循環架構，這年的反送中運動，也是打破了大家一直因平凡而循環的生活。即使林最後落敗，但其欺皮笑臉對比民建聯劉玉佩的死灰，無聲息地扭轉了大家過往以為理所當然的事：正如片頭溫馨提示片中人的「犯罪行為」，一年多前 你會R頭問乜撚野來。
話《夜香 ．鴛鴦．深水埗》似小巴，就係原本日復一日地繞圈，直到某天司機卻似唔知痴左邊條筋，突然加速開往不知何方。司機梁銘佳 卻辯解那天那架小巴已不被他能操控，於是就被人騎劫。就是當你習以為常的事，那刻過後就已失去，你再見那痴呆一日到黑想當年的阿婆，赫然就係自己的影。
沒有留言:
張貼留言