《使徒行者2諜影行動》 - 一帶一路兄弟情

「掃毒2」和《使徒行者2諜影行動》 (Line Walker 2) 一同不參與今屆金馬獎，看來互不相干的兩套竟走在一起，於是又給人發現有多個巧合。

又有古天樂、又和上一集沒關聯、更重要又係講兄弟情：只係文偉鴻算聰明，沒太貪心多情種。只係唔知係文另又有野心還是TVB要和應國策，由菲律賓到香港，再由緬甸到西班牙，攤開地圖畫線，嘩屌一帶一路來既喂。

所以話「使徒行者」係乜家科來？其實係TVB見橋唔怕舊就一併用落去的大雜儈。見臥底玩到爛哂，卻見《掃毒》玩兄弟情成功就玩返；以前邱禮濤玩Laughing Gor時留下的世界革命觀，只要去除革命就可用埋一份：於是就遍及世界盡情地壞的恐怖組織，菲律賓綁細路又西班牙開大拖，但基地和搞屎棍的地方都在香港；程滔 (張家輝) 井進賢 (古天樂) 兩個菲律賓孤兒，又轉到香港當警察又互相追尋數十年 - 一切都吹很大，但只要你受就OK啦。

但要肯定，就算TVB早就媚共，王晶今日重夠膽老屈香港警察無撚用要靠大陸公安，但文偉鴻仍敢講出自己香港自己救，那怕係惡透天下的恐怖組織；就算你要我幫你的一帶一路賣廣告，OK，但我仍堅持地圖上最重要一點仍係香港。

或者這套會是最後一套神勇香港警察故事，畢竟自今個月以後，無人會信真有如此威水史。而且你要兄弟情，唔駛再遠到西班牙，去大灣區就可。