《過春天》(The
Crossing) 係夠吸引力，一在導演，二在那個學生妹主角。
電影節的Q&A上，香港觀眾用廣東話問問題，白雪不用翻譯都即場答到
- 應該早就潛伏在香港一段日子：香港觀眾很好奇一個大陸導演怎貼地去拍香港，她拍差一點已夠貽笑大方 - 話聽講香港人談戀愛會到飛鵝山很明顯係被整蠱；一幕明明搭火車往羅湖，再無端端在上水的天橋行走，明顯想拿天橋當羅湖橋，簡直畫蛇添足。好歹戲裡每個角色的廣東話都係順暢：因為主角係佛山人，而其他都係香港人。
你會猜疑白雪係怎看香港：十六歲的劉子佩 (黃堯)，也像同年時的伊藤步 - 唔止影射背景係圓都 (Yentown)，佩佩更係投射出導演所想的香港人 - 一件香港麻甩佬 (廖啟智) 和二奶
(倪虹潔) 產出的單非，她本來就唔係甚麼尊貴之身；佩佩拼命賺錢，賣淘寶貨給同學做兼職到走私，係寸香港人都係唯利是圖，這點香港觀眾卻唔會感到唔舒服：因這女孩明顯係在尋夢，那管只係去日本睇落雪是甚麼樣，但這才是一個十六歲少女該發的夢。比起現實都係搵錢，但只係追一個數百尺的單位自製牢獄，好歹那個想於遠走高飛的夢可人得多。
佩佩和阿豪 (孫陽) 食花姐 (江美儀) 夾棍被發現，卻又遇著公安殺到：擺明係趕收工，你會辯係Jo (湯加文) 與佩反面：日本之旅不成，夢就此破碎，反正都係行屍走肉，不如及早了結。但白雪卻解釋如此處理係因要給這女孩一個教訓，很叫人納悶：就算走私，都唔係甚麼傷天害理，點解一定要遭到懲罰？其實公安沒殺上來，大有空間發展，導演腦袋明顯被卡住，卻肆意批判年輕胡混過去，叫人不齒。再者這套唔係甚麼地下電影，電影節放映時，也在大陸的戲院裡大播特播，要做到這樣，劇情肯定要應酬主旋律交差。
或者白雪只想獵奇走私，女孩發夢只係羊頭，電影海報已經答左：花姐坐正中，佩佩屈身一旁，預告你透視女孩的夢只係你美麗的誤會；再者係認真想知涷的滋味、下雪的模樣，還不如上鳳凰山 - 遙望機場飛機升降，近見地上冰雹，雹和雪不用分得那麼細，反正你也會把上水天橋當羅湖橋。
沒有留言:
張貼留言