《逆流大叔》 – 搵笨先係核心價值

若你叫我一定要給個著大家看《逆流大叔》(Men on the Dragon) (陳詠燊導) 的理由，我只能答：這套港產片真的很香港。 

開場不久，天馬寬頻工人舉行罷工示威時，阿龍（吳鎮宇），淑儀（潘燦良）和威廉（胡子彤）等取笑上司泰哥（黃德斌）唱《獅子山下》走音 – 其實乜撚野叫《獅子山下》？在唔同時代，這首羅文唱的歌有唔同演繹：在五六十年代，大家都一窮二白時，這首就係勉勵大家同舟共濟；今日，上層如天馬高層肚滿腸肥，中層如泰哥阿龍等上哂岸暫衣食無憂，低層如年輕剛出頭經驗尚淺無財無勢，上中層就會在低層旁高歌《獅子山下》，著他們學五六十年代的人「不怕蝕低」「共渡時艱」。所以阿龍等恥笑泰哥唔係真係走音，而係反窒：「你當我傻架！」 

《逆流大叔》唔係中佬版的《點五步》  -  唔係講用去贏去掩蓋中年逆境，更甚者中年人要給年輕人Dorothy（余香凝）罵醒才懂親身面對。電影主題係「搵笨」：一方持對方位處弱勢，便以此從對方身上榨取利益  -  開頭阿龍等講就凶狠等簽抗議信，卻簽就碌撚簽哂假名；Dorothy明明教練才能具備，但她卻找個鬼佬扮正式教練 – 天馬上層坐擁舒適辦公室，下層員工更衣室仿如《末世列車》車卡尾段，這社會共識是：好歹扮得精叻一點，才是生存之道，忠直單純，注定被搵笨，正如用真名簽上抗議信的年輕員工，唔知搵笨之道，就第一個被裁出去。 

搵笨就是香港核心價值，所以唔止大資本家對小職工，男女之間都有搵笨：阿龍單戀單身母Carol (胡定欣)，最後阿龍抱得了新娘，卻接著要眼巴巴把她交給別人。人們大概都怒罵Carol玩弄阿龍的真心，但還真要為她辯護：Carol從來都冇挑逗過龍，龍為她兩母子煮飯另找居所，只係他自己一廂情願。正因Carol感激阿龍的付出，就更要向他坦白自己真愛的人不是他。但大家卻覺得阿龍付出這麼多，Carol卻不給予對等的回報，就是Carol搵了阿龍笨。

《逆流大叔》結尾係大家都給阿龍吹漲，阿龍沒所謂似，一同轉頭返回原本的終點：就知走多冤枉路都沒所謂，不怕蝕低才迎合《獅子山下》。若你不甘搵笨做了這社會主流，大可把這結局想為開放式：唔搵人笨，也不怕被人搵笨 - 反正我就知那勞雜子明日又會捨新娘離去，新娘哭哭啼啼時又會待我煮飯，食完飯我懂得打開睡房門拍拍床鋪就得，唔駛戴帽反係我派帽給那勞雜子，新郎不是我又有甚麼所謂？只要大家都會唔怕契弟，因為我最契弟，咁以後香港就唔會成日都有甚麼搵笨奇案了。