《戀愛病發》 - 「喜歡你」，其實唔難？

小弟常批評這套那套愛情電影，唔係太離地就係你欺我詐太奸狡。若要自我檢討是否無的放矢，就係要知道寫套貼近你心又純情的，其實很難。難怪杜琪峯會推介《戀愛病發》(Heart Attack) (納華普譚容格坦拿列導)，因為這個故事唔係他寫得出來。

最貼地係男主角翁 (桑尼舒雲門塔諾) ，不論他是設計師談何貼近我，又或是毒撚又如何。而係他初遇到女醫生艷 (迪維卡霍內) 的反應，既尷尬又不知如何是好 - 男人著真正意中的女生都係如此，劉偉強的《不再讓你孤單》早就咁話過你聽；翁開始卻不願相信自己戀上艷 - 毒撚其實都可以大男人，喜歡上人就以為要向人家低頭，這麼多娘娘和兵的故事，就知這句並非吹水。

觀眾或會對翁很不耐煩 - 為何不直接問艷拿個電話？竟然唔趁機記下人家的Line ID？最後更沒有向她說句我喜歡你。但係翁的弱雞，卻就係導演來避重就輕：艷係是很難搞的角色，外貌看似不吃人煙火不難找，但個人真的如此卻很難扮。假若翁對艷說喜歡你，往後該如何？輕易接受了你們又會嫌假，推卻了你們又嘲一早知佢係拜金女。於是到最後，繼續一張不知有沒寫多句的覆診單，艷的一句：「希望你下次不會再來這裡。」翁出了診症室，後事如何？交觀眾去想，想多想甚麼不關電影的事，很會推卸責任。

《戀愛病發》只是小聰明，杜琪峯或口說欣賞，實際慨嘆。「喜歡你」講係唔難，講得好才難。只怪社會在成長，周圍的塵垢也日積越累，真正的清純還只能留在夢中。