《沖天火》 - 林嶺東的痴撚線都市

我真係佩服林嶺東，明明「天機」級的神片係稍有羞恥之心的都不敢觸及，林算係老行尊卻都夠膽碰上，大概今時今日做導演不止你一個，你要令人記起你就只好走藍海路線，正如大家都會記住孫健君。

本來《沖天火》 (Sky On Fire) 可以好簡單 - 吳彥祖的宗天保係醫療集團旗下的正氣保安阿頭，醫療集團的老闆唐永章卻係殺害自己老師而上位，帶住患癌的小珍（郭采潔）來求醫的家家（張孝全），因父親之死咬著唐不放的潘子文，良心未眠卻又係唐妻的高玉 （張靜初）.......原本的多方矛盾，互相交碰擦火花，夠複雜了吧。未夠，後部一班富豪質問一粒藥已能醫好癌症咁仲駛賺，唐就洋洋得意話：「咁緊係將簡單複雜化。」好一個林嶺東，比《迷城》都已經再多幾個人，仲嫌唔夠係要玩到有咁複雜就仲再複雜。

林嶺東拍下的都市就係唔簡單 - 人與人間的溝通並不能只用言語，這不止就在一開場張孝全患燥狂症般橫衝直撞，而係就算開口彼此的對話都不可理解：如明明高玉已講小珍因打了麻醉針而未能注射藥物，家家仲係要問「咁打左未」；宗天保到高玉成日都講句：「呢度我話事！」正宗橫蠻不講理，電影裡幾所有人甚至連事物都唔駛同你講道理：一班一句唔該就彈開的保安、一把散彈槍擲過去就碎的豆腐渣玻璃門、這頭火燒背轉過頭就背面乜事都冇的高玉、明明逃跑中卻突然轉頭挑撥人玩跳樓的家家、口話患癌卻時不時有氣力周街走的小珍、預備好降傘卻選火海裡跳的宗天保......算上來講痴根「天機」都未夠癲，林嶺東還真諗得出大堆比痴根更痴根，正宗一個痴撚線都市。

你問電影裡有冇一個正常人？有錢佬唐永章已好似係相對行徑最正常的人，真係一個痴撚線世代，要做一個正常人真係件奢侈事。後部宗天保怒向唐永章狂向數槍，少見吳彥祖如此憤怒過，大概係拍痴線經驗太少，最後佢就似係衝向林嶺東大吼：「玩撚夠未呀！」差點唔覺，張靜初自上次「天機」後，又再參演了一場瘋狂表演。好地地一個大美人，看到她美貌卻又要猜到她背後將會如何糟糕，簡直悲哀。