版頭

版頭

2016年10月31日 星期一

《兇手還未睡》 - 計錯數


邱禮濤其實很會自嘲。


《兇手還未睡》 (Nessun Dorma) 的中段同最後,許志安同文詠珊都玩一個或然率的遊戲:檯上反轉蓋著動物公仔或公仔車的杯,數量幾等如邱的執導產量。所謂抽中動物還是中車不等於一半一半,正如看邱的戲,中招的機率或真會大過中獎。最後文詠珊話唔信邪堅持繼續玩:其實該繼唔繼續捧邱的場,還真睇你持咩信念。

其實要未入場前分析到底邱是否拍左伏片,還真要從大綱推測是否為應酬或為兩餐而為拍而拍。但《兇手還未睡》情況相對以往不太一樣:許志安的方慕哲想扮《暗算》 (The accountant) 的自閉會計師,但佢既沒賓艾佛力的魅力,亦唔能夠夠呆撚剷剷;林家棟的李偉臣還以為做殺人狂,點知原來只係普通酒色財氣扮大佬,就算你係女觀眾,你都係無奈要只注目扮曾斯敏的文詠珊。唔係《死神傻了》的大班演員同學會,只集中一個人也似令電影只集中講返一樣野。

曾斯敏和李偉臣的婚姻,似係翻炒湊佳苗《贖罪》裡〈洋娃娃〉:蒼井優淪為洋娃娃,文詠珊都似逃不出這呃運。曾被綁在床被禁固,其實係她婚姻的意像:嫁給不愛的人,根本係一場綁架。不計林家棟落力的「人渣」演出,開頭夾硬來的粵式意大利歌劇,有夠不倫不類,話俾你聽現在大把婚姻,尤其豪門的Show off的,都係一場低俗的戲。

諷刺的係,明明後部曾係有本事解救自己,對李下毒手而逃出醜陋。開頭卻係下定論女人都係弱者,期待王子來拯救她。公主卻真自以為公主,還要對救她的王子挑三挑四,答唔中三條問題就沒資格救她。只係文詠珊肯做狠女子卻唔會做港女,唔會嫌棄救他的方慕哲,那就只好救唔到公主還真係王子「死蠢」 - 唔會計出條好橋令公主甩身,卻就係要下獄就下獄,就係草草了事。

方慕哲的自閉症,更加似只係多嘴加兩句,雖然我都知描繪自閉症係極難的事,由彭發《追兇》到《暗算》都尚未成功。那就轉講數學,但除了或然率的遊戲,也就係最後夾硬加入的方「完美三角關係」,卻就沒用上任何數式去搞定李偉臣及拯救曾斯敏,於是搞到極吹漲地計錯數。

《兇手還未睡》原本係邱禮濤李敏等有所野心的一次 - 嘗試用數學去計算出解救被偽婚姻所綁架的人的公式。只係無論計數也好編劇也好,坐這山望那山都係一事無成。邱禮濤就係無去計重點計左第二度,錯數也就唔可賴甚麼或然率就只好怪你不自量力。


沒有留言:

張貼留言