《公開試當真》- 一場遊戲一場夢

 

試當真的紀錄片，《公開試當真》(Once Upon a Time in HKDSE) (梁奕豪導) 很有玩票意味，的確臨近考試前四個月先諗去認真去應試，就好似《假冒女團》咁：原本諗遊戲人間但戲播到四份三先話要諗認真，難怪林溢欣都忍唔住窒話其實你咁搞邊有人會服啫。 

 

早已上岸的許賢，當然有資格玩票，也可以過來人勸膝毅康無謂咁緊張。其實膝本來都冇著緊過，他自說似是實則係社會給壓力他讀書：會考高考還是DSE，都係以往大學學位有限，考試係作為篩選出精英以妥善分配資源的方法。唯現在大學學位充裕，若你以為讀過大學人生才完滿，都係方法多的是無需執著一個考試。唯社會家長至今依然有意無意話你聽那個考試係定終生：許母說若回到過去，該唔會再迫許去讀書 – 若不是見到許的成就，以實驗證真理，她也未必相信好人生全等如考得好。

 

游學修也問為何香港培養唔出美斯？細心想DSE和足球根本牛頭唔搭馬嘴，卻在此講到就係DSE呃殺你做美斯的罪魁禍首，只因為大家都單純相信唯考試主宰你人生。當然考試也是屹立不倒，所以也是「屈我啦屈我啦」把一切問題硬食也沒問題的態度。

 

《公開試當真》被評級青少年及兒童不宜，關鍵未必係偶有個仆街或屌字，而係社會或想青少年繼續單純，這套給成年人看，他們就覺得只是小事，給驚緊考試的青少年看，亦係叫他們看破其實只係小事一單。或者年紀輕輕就叫嚷不想努力也小事，令年少氣盛的識破實冇一件可控制他們人生的，也就大件事了。

 

你話其實考完個試他們也會知道，就係膝毅康知現在成積無緣學士，也懂讀住副學士：正面就係教曉他唔執著得失以培養做人氣度。其實唔使到許年紀，膝過幾年或都醒覺只係一場遊戲一場夢。社會唔想看到這樣又何怪誰？難道怪青少年學曉通識？還是怪董建華搞出副學士？