《談判專家》- 邱禮濤近年最好的作品？

 

冇睇過《冇數講》，唯有用返邱禮濤以往的來評返《談判專家》 (Crisis Negotiators)。  

  

相對《拆彈專家》，今次專家還真夠「專」點，少左D你追我逐東拉西扯，集中在一差館裡鬥法。縱使劉青雲理應靠口卻又好身手，只需簡單補句由SDU調過來；談判講穿就係一味吹水，唇槍舌劍令對方招架不住。話時話專家唔止劉，吳鎮宇也是，大家期待兩個怎鬥法。但劉卻似凌駕一切，吳想出招時，旁邊的警察總好事多為累事。 

 

似乎「美麗新香港」後，邱唔能明目張膽講革命，但意識仍在：吳改當社工，嚷想先從源頭解決問題 - 邱似務實地從一步登天世界革命收斂到完成一國之革命。唯邱的革命從來都很表面：吳改做社工後，卻係見你唔夠錢開飯幫你俾足錢咁，唔用返以前談判技巧去幫人？ 

 

或者劉吳都知，所謂談判其實只係拖延技巧，講得難聽其實係詐騙術。難怪吳就知想實際幫人就唔撈談判專家；劉最後都唔係靠把嘴，還是靠肢體武力才反敗為勝 -只因自己係「專家」，才唔信靠「愛與和平」感化對方的荒謬。 

 

但始終劉吳都係自信自己只係做好呢份工，縱使你覺邱或有指桑罵槐：鄭則仕的肥腫副處長又好、周文健等遮仔會錢都貪亦好、姜皓文的貪功也好。《談判專家》係相對以後沒太多略外意思，就係表現一個專家點「專」而唔使令你叫佢食屎就咁多。故此有評話這係邱禮濤近年最好的作品，還真難分這句係真心還是有玄外之意。