《七月返歸》- 香港的新衣

 

小弟曾以為美麗新香港係唔會再有「鬼片」，謝家祺的《七月返歸》(Back Home) 似用來摑小弟臉：你要鬼嘛，這套裡叫上鬼的多的是。又或講鬼就係專登同電檢個班人講：就係異世界不同彼世界，故在那裡說了甚麼你該不用太在意罷。 

而電影亦似係現代主義：由主角向榮（江𤒹生飾）到觀眾都會猜不透那時虛幻還是現實。另邊戲裡沒啥特別嚇人場面，就算割舌亦唔叫殘不忍睹，似唔旨在嚇親你；電影感覺很「組裝」：由九鐵火車遊戲到蘋果煙花廣告、鍾婆 (譚玉瑛飾) 宴會上講既「全能的你」，意似取於基督教的上帝 - 你覺這些鬼怪竟係左併右砌的組裝，就更唔覺像真。

 

當然故事主旨也顯然易見：向榮問鍾伯 (太保飾) 還堅持做紙扎，鍾答來睇美好生活係點樣，也就呼應海報上打著的美麗新世界。那如何踏進這世界？除了要割舌，也要把宇仔 (黃梓曜飾) 拿來獻祭：正如鍾伯著向榮不要靠近宇仔太多，童年向榮自以為係有陰陽眼遭欺凌 - 大家都讀過《國王的新衣》，就知道針對實係唔識趣而揭破真相的你。

 

所謂美麗新世界，起碼對向榮而言就係有健康母親和賢妻的美滿家庭。表面結束係向榮最後拒絕投入反而刺破，但之後你突納悶為何只這種生活就那世界先有？你突覺所謂結局其實係「第一天」，「第七天」的「開始」反似問你若可選擇你會否投入這世界，的確由返到那間屋到上七樓都係向榮自行決定，意思就如某李講的：「佢唔o係現場就冇事，去得o個度就係有風險。」

 

但你又會辯這套係二零一九後作，投唔投入那世界係唔到你選擇，美麗新世界係早已降臨香港九龍新界無得避，只係睇你到時仍會否敢於揭破那套新衣。但刺破後的向榮到底如何沒講清楚，其實他去揭破又是否對時機？耶穌教人們應向小孩子學習，但祂又忘了提醒人要避免小孩的缺點例如太衝動。