《失衡凶間》再來一套，或因美麗新香港要去除一切牛鬼蛇神，《罪與殺》（Tales from the Occult：Body and Soul）就係丁點鬼都沒有，有的是心理變態互相殘殺，某程度算反映現實仲會給人嫌唔夠。
三短片都係那些技術問題：濫用嚇人音樂畫面避重就輕，故無驚嚇可言。其實講到殺戮，唔一定要你驚或核突，可以滿是血淋淋，或一刀流暢而落的快感，但係這些都欠奉，簡單而言就係無嘢睇。
簡介話係三個新導演，但陳翊恒已係十年前就執導多套，重話佢新人未免太尷尬。更老尷的是朱鑑然蔡思韻的對手戲：小學生式對答兼想拿拿聲演完算沒鋪排般，胡子彤亂入也只係戇鳩多一分。重要《貓劫》係口口聲被虐殺的貓會變成冤魂，但又正如小弟所言這套戲根本係冇鬼，故所以連隻貓會屍變反咬都沒那你提來做乜？亦所以鐘意就上大帽山廢棄倉再彈出兩個警察 – 這套直情係諗到乜就放乜的一雜亂大盤菜。
黃千殷的《闇室》原似三套中最可觀：劉俊謙林嘉欣朱柏康的兩男一女 ，就單係中女林與年輕俊秀劉的互頭夠睇頭，奈何三人間角力唔夠，只因又係貪心：無謂硬加一個玩SM玩到死，就算講林的童年陰影，但再併落劉朱，反似道男人都沒一個好東西，故你家暴咸濕甚至精神分裂都係該死。仲要林嘉欣都係睇落柔弱，又係扮雞蛋去掩飾女拳，男觀眾只覺得你既刻意又無聊。
許學文似三人中最精，《頭髮》沒有多餘，就戀髮癖的黃又南搭視髮如命根的衛詩雅，只係衛反擊得唔夠兇，黃只係擺定話死就被插死，其實還不如衛搵來一把長髮把他勒死。其實殺人往往都係自私都奪去他人生命，話之你盛怒下殺了那偷食的，還是你謀奪他產於是把他煲成青紅蘿白湯，也正如因癖好或一無所有崩潰而去殺。亦所以話你該死定還是懶大義凜然而去殺，觀眾都只會不明你所云。
沒有留言:
張貼留言