睇完《毒舌大狀》（A
Guilty Conscience），我係失望：只因寄望在「我最契弟」- 這是《飯氣攻心》片尾加插廣告，黃子華講得振振有詞，誰都覺得會是這套主題。
你話契弟這詞真在戲裡用過：子華以為既可十拿九穩贏並巴結到有錢人一石二鳥，點知被反算一著大敗累死人，自責坐在看台同林保怡訴苦 - 係咁話有錢人係契弟，由本來自信唔會奶契弟鞋底，點知一奶出事。之後就係由中環自貶至旺角，再得著機會去鬥返契弟來贖罪。
但你唔係話要做最契弟麼？咩叫契弟 - 意思解混蛋，來於一九七八年電視劇《變色龍》結尾：「我最唔怕契弟，因為我最契弟！」唔怕你抄，就係要睇你點把這句演繹。睇到既卻係你在法庭裡同主控謝君豪、反派王敏德等玩文字遊戲，邪道些就係播偷拍錄音，拿証物干擾主控同反派，仲要你那件証物本來只係調查時疏忽沒被察覺，要玩的話《一級指控》仲玩得邪過你，好歹那會做些偽証。
所以話你點最契弟？雖則混蛋如老屈般意思很多：當係講有錢人出奸招，我就係更奸，起碼令你意想不到，如《槍狂帝國》來到最後一刻即四量撥千斤。這套卻只係中後已預知結果，毫無驚喜。仲要贏到只因有錢人作法自斃，若見好就收沒窮追猛打，就唔會搞到連主控都睇唔過眼，所以係本來契弟自爆，根本同你更契弟無關。
或者吳煒倫會窒話你表錯情，就算那是我戲的廣告，但「我最契弟」始終只出在陳詠燊的電影。其實開頭已話定你聽：若有心更契弟，何需去怨天冇眼？係早就知天無能用，那就唔需埋怨，而係更契弟求存。還要記著電影故事時間在二千年初，那時人人皆信還有公理，有錢人如何橫行都要跟規矩。今時今日，當道的比有錢人更唔斯文，龍門任搬，當契弟自命人定勝天，你怎旨望天會收佢？你要做契弟，你做到嗎？要記住寸嘴唔等於契弟，何況今時你在法庭憑三寸不爛之舌去贏，出來也可逆轉你輸。就係唔止窮人含，係所有人都含得撚，你要奢望撚人會人體自爆，還時被迫的你會反咬著他人子孫根？
沒有留言:
張貼留言