安樂似很頭痛這套怎樣行銷，就係小弟都覺得買票很勉為其難，但只係早前用不光彩手法看了電視劇版已知玩法沒興致，現在要出文就要老實一點。對一般觀眾：過百元票價近四小時片長唔係嚇窒你的最重要因素，而係相對坂元裕二的浪漫主義，深田晃司係質到你盡的現代主義。
你嫌《她和他的戀愛花期》係掛羊頭根本沒愛，《真愛假不了》(The
Real Thing) 卻很有愛 – 又係搬哥林多前書來講：「愛是恆久忍耐，又有恩慈；愛是不嫉妒；愛是不自誇，不張狂，不做害羞的事，不求自己的益處，不輕易發怒，不計算人的惡……」就舉動辻一路
(森崎溫) 真係對葉山浮世 (土村芳) 愛到盡，只係大家都質疑這是否真愛：粗解就係乜奶油唔諗住扑卻為呢個麻撚煩的女人呢樣個樣？在此又加入兩女角，論姿色土村芳略遜廿四歲的少女小美
(福永朱梨)，卻都比得上三張多的肥師奶細川 (石橋桂)。你若嫌一路對浮世的愛不知何來，別忘他對兩女更沒有交代開始，唔知愛何源起又有甚麼好奇怪。
你話唔係質疑究竟有沒愛，而係一路和浮世夠怪，誠言兩人時而叫感荒誕，卻非全背離現實：浮世係外表三十心智十三細路女，左搖右擺全沒自負念頭，最後她去尋路才令其算返成年人；一路係比《叔・叔》更過份的懶好人，好心只為避去麻煩只怎料做開就無法收拾，也就係令人質疑佢對浮世有沒愛之因。相比最正常係古惑仔脇田 (北村有起哉) ，佢早就識質一路想食浮世才會如此賣命，還嚷最喜歡看蠢男女落地獄：深田似一直寸爆偽君子，《奏不響的風琴》裡的人妻懶大愛結果禍延女兒，這次更諷扮聖人唔坦承面對慾望
- 想像到若一路敢對浮世表現更多私心，起碼一路就唔會招至失業落泊，更甚電影唔駛近四小時來拖拖拉拉，叫觀眾坐如針氈心諗做咩似懲罰埋我。 難頂的是世間嚷望真愛，深田卻告訴你所謂認真的愛就搞到你如斯田地，你還要唔要得起？
若要我對《真愛假不了》來個批評：一係電影版剪左浮世搭上水電工，卻沒改埋往後對白造成突兀；二係深田晁司諷刺懶好人最後卻又要做好人，讓一路浮世修成正果，叫你相信這世間還真有真愛。要計較係雖然土村芳有些少看頭，但反正玩左四個鐘，又話要蠢男女落地獄，咁是否叫這件麻撚煩落返一個鐘地獄先公道？
沒有留言:
張貼留言