《幻愛》 - 我真係好撚鍾意但又要調頭走

講真評一套電影，好在乎你在甚麼時候看完去評。正如蒙娜麗莎，有人會覺得她只對你微笑，有時你卻會覺得她在恥笑你 – 杜汶澤講既。  

周冠威的《幻愛》(Beyond The Dream) 在這個時勢上正場：有人嚷著要走，卻又有人當街拉橫匾叫話好撚鍾意香港。其實就似《骨妹》，只係那套完全感性：縱使你不如他人，但我始終最愛是你。《幻愛》卻要由頭到尾冷靜：即使我會講好撚愛你，但其實愛是甚麼，唔好意思我到最尾都係唔撚知。  

  

阿樂（劉俊謙）同欣欣/葉嵐（蔡思韵），一個覺得自己有病、一個覺得自己係咁同男人上床謀好處夠污糟，所以自覺沒資格去愛他人，但這只係陳腐的金門不能對肛門。至到樂遇到嵐，嵐問他鍾意欣甚麼，才算開始問問題：為何會愛上一個人？其外在？其內在？當然你又會拿聖經哥林多前書來窒話：這頂多只述怎會喜歡上，愛一個人係不求自己益處的，你貪圖他人姿色或寄望她好待你都只係為自己謀益；後部兩女一男，一個嫌疑唔係真心另一個擺明係假，叫著男的好愛定一個，但愛又唔係叫你不要嫉妒及不要計算他人的惡嗎？ 

  

結果就係把自己推向一無所有的境地，向對方表達自己係真心，但對方卻夠理性推開話：「我o地係時侯醒了。」 - 就像今天，我們高呼好撚鍾意這個地方，卻又會有人拍膊頭勸：「唔好傻啦，這地方肯定無望，要走好走。」雖別說對方唔愛你，就係為你著想才趁早推開你。而你又係呆立在地唔會現實衝前肯定，只待夢中相擁，對頭來你都夠理性。 

  

周冠威始終夠踏實，提醒滿腔熱血的你愛始終係幻，係唔夠麵包實在。今日說我不介意，明日就調頭走先或不可恥：一係彼此一無所有，或是彼此都夠，才好去談虛無，即使都係乜門對乜門的老土，但想過對得起你才好也算是一種愛。今日我好撚鍾意，今日我不介意，但明日呢？與其現實負擔不起，不如留下有用之軀在現實，把愛留到夢境，才可把愛永續。