白石和彌的《那一夜：母親是殺人犯》 (One Night) 係有夠貪心：表面睇已經係一個母親和三兄妹，接連還有的士行員工、兄長妻女，係每個角色都講下，就肯定唔止講母親咁簡單。
若只圍繞主題 - 母親
(田中裕子) 殺死父親之後，白石似想問甚麼是道德：人類自群居產生社會後，為了保障彼此，因而衍生規範以制約侵害他人行為。問題係，社會裡有較強桿者或持勢加諸規範於弱小，故望返有些道德就似毫無道理，卻無奈被約定俗成至今。
母親殺父緣由是父親虐待子女，事後全家竟遭如過街老鼠般的追擊。兩兒子怪責母親自私，唯有女兒 (松岡茉優) 會感謝母親。白石係指責父權社會造成對錯扭曲：三兄妹被虐到周身傷，隔離左右早應知道，但就沒有多幾個同情他們，卻只係他們家裡出了殺人犯而對其窮追猛打；二兒子
(佐藤健) 憎惡父親，卻覺得忍受父親虐打比被母親解救後還好。他拿母親殺人之事當事業階梯，描述母親為「聖母」態度輕蔑，完全怪責母親在自以為是。他是父權受害者但又會係利益繼承者，像大哥
(鈴木亮平) 摑了自己妻子一把，大家都話怕他會變成父親那樣。
電影有時講到咸書，似無厘頭實不然：一次係二兒子竊書被逮個正著，母親向店主賠罪但不領情，於是就耍無賴令店主無言以對，還拿著咸書在街上大搖大擺地讀。另一次則係母親自己去偷，更令店主無言以對：這是母親的反抗，也是教導兒子 - 所謂道德其實就只係誰大誰惡誰正確，示弱往往招落井下石，敢當潑婦他人卻彈遠三尺，社會就係如此虛偽無恥。白石畢竟叫承繼著若松孝二，也似係鑽研出一個現實的革命途徑。
況且白石又唔係真要批鬥到父權，否則就不會加入佐佐木藏之介 - 叫你諒解父親也不是要風得風。白石和彌要的是平等：最後一家人一張合照，看似和其他家庭電影沒兩樣，但這個家由母親到兄妹沒有高低之分，就是說平等才是最好的道德。你話未免太見好就收，但社會若真係根深柢固，講爹親娘親不如甚麼親的時代已遠去，難得前進到這樣，你又豈會不要？
沒有留言:
張貼留言