版頭

版頭

2018年1月7日 星期日

《藍天白雲》 - 殺?



張經緯係個不負責任的人

若你係懶得思考必然會咁諗:《藍天白雲 (Somewhere Beyond the Mist) 係提出兩大問題 - 點解要殺人同殺左人後又如何?但答案卻似係擲給觀眾自由解讀,他到底怎看其實唔清唔楚。你或會幫他辯護:張係拍開紀錄片,紀錄片就係拍到甚麼就呈現給觀眾甚麼,導演係少有立場。這是你以為《藍天》真係他第一次劇情創作:兩年前的《青洲山上》根本就係劇情片再講遠些二零零九年,許鞍華的《天水圍的夜與霧》編劇也正是他

張說Connie  (梁雍婷) 弒親的緣由或就只出自她的心魔一是用勒頸這種「無效率」的方式,來叫觀眾猜疑Connie的計劃係即興而無周詳。但看過《完全自殺手册》或日劇《直美與加奈子》都想到,一個中學生要乾手淨腳地致人死地,勒死反係最明確有效的

那就更叫人質疑Connie為何對其父母恨之入骨 - 二就係其父縱使似係乞人憎,卻仍沒有叫非殺不可的理由,某晚其父脫下褲子,但上其妻子還是上其女兒卻沒拍得清楚,Connie母更擺明係無辜。或要明白兩受害人其實很難刻劃,或者更高章就如《大紅燈籠高高掛》般,這父母是甚麼模樣也沒正面放過出來,直頭似推埋一邊叫喊:「我就係要殺佢地!So」現在這對父母的設定似令多些觀眾能夠理解,但實際沒討好多幾個人。

三就係去到女警Angela (鄧麗欣) 自身Angela也恨不得殺死老人痴呆的父親,只是最後把其父送到老人院,沒乾淨眼屎盲當解決問題。以Angela對比Connie或係嘗試印證出你該死只是藉口事實我內心的魔鬼才先殺人的關鍵但既然Angela也不用弒父也印證人有能力駕御心魔也又係回去質問為何Connie就沒能力去駕御它?難道張純粹借故諷刺年輕人少不更事?若真的話,這比《三五成群》更沒意思:那套係冇個好人唔駛你同情,這套卻係想叫你站在我處境同情一下我,矛盾就係我既然認定要咁做那為何要你同情?

其實藍天白雲》似係承接《天水圍的夜與霧》的結局後者係丈夫殺妻殺女再自殺,或寓意香港人不甘被大陸人爬上,寧可玉石俱焚。《藍天》中段Connie父也曾揚言要殺死她,Connie反咬:「到時邊個殺邊個都未知!」這次則似寓兩代對立,年輕一代先下手為強。但殺人後又如何呢?Connie的同謀Eric (顧定軒) 正就不斷問得知根本無往後計劃就抱著Connie痛哭。不像《三五成群》,他倆被警察找到隨即舉手投降,連狡辯一下都唔會 - 若年輕人自以為剷除上一代人就有生路,問題出路在前他們又能否把握?若然如此,唔殺而臥薪嘗膽會否比殺後自找絕路更應該這豈不是張又在嘲諷年輕人

其實我可直指張經緯肆意諷刺年輕一代做事不顧後果但就知拍過《少年滋味》的他唔似係咁樣的人。也就唯有這樣論斷:《藍天白雲》的殺,係唔夠直接了當,係比《第三度殺人》殺出個更大的問號,而且係連張自己都無法解答到。

沒有留言:

張貼留言