版頭

版頭

2017年7月21日 星期五

《喵星人》 – 陳木勝的硬膠叮噹



睇得戲多,自然都知叫得上爛片總係會柒開有條路,正如《喵星人》 (MEOW) 連海報都柒得交關,也該預計到買票入場之風險。其實小弟入場之因,為想俾面下陳木勝,雖然多年前《全城戒備》都中了一次大伏。


電影真正主角其實唔係古天樂,而係叫犀犀利的大貓 - 一係陳就無本事帶一隻真貓做夠一百分鐘戲、或沒有更加精緻的CG技術,於是就搞出如此一隻根本係人扮假得像公仔的貓。當然還要全戲裡中人扮哂弱智 – 沒人真當牠異形捉去解剖,仲可以扮老母呃埋老師。嚴肅去論,就算當合家歡片,都驚教壞細路。

既然隻貓假得可以,電影就唔係講貓,陳木勝都唔止一次如此掛羊頭賣狗肉,《掃毒》其實係講男人的情誼,《喵星人》也實是講家庭:故此主角又係回歸返做一家之主的古天樂 – 除了守龍門就幾一無是處,如同叮噹裡的大雄。或者《喵星人》就係另一形式的叮噹,只係大雄若還是十歲,仲可去少不更是,但當一家之主時還如此,會否糟糕得太脫離現實?

而且講家庭又離唔開提個錢字:古天樂這頭硬膠亂幫人做擔保人、又會因貪財遇著寶藥黨、連結尾都係話塞翁失馬得著一億,一個故事的承轉合都係講錢。話雖貧賤夫妻百事哀才是現實,但你要合家歡還是可否避免太庸俗?

最後要批的是森美一連帶到尾的旁白太煩膠,也似暗喻這還真係應酬弱智人仕的戲,才會不嫌其煩地下下畫公仔畫出腸。


沒有留言:

張貼留言